“ለድሆች ወንጌልን እሰብክ” ድህነት የገንዘብ እጦት ችግር ብቻ እንዳይደል ከዚህ እንገነዘባለን፡፡ ለደሃ ትልቁ የሚያስፈልገው ደግሞ ወንጌል ነው፡፡ ከወንጌል ሰው ሕይወትን ይጠግባል፣ ሠላምን ይጠግባል፣ እረፍትን፣ ደስታን፣ ፍቅርን፣ ተስፋን፣ ወዘተ. ይጠግባል፡፡ ሰላም ና መልካም እየመሰላቸው ወደ ሲሆል ከሚሄዱ ሰዎች የበለጠ ዕውር የለም፡፡ እግዚአብሄር የለም እያሉ ሰማይንና ምድርን የሞላውን እግዚብሄርን በመካድ ሕይወት ውስጥ ከሚኖሩ የበለጠ እውር ማን ነው? እግዚአብሄርን አገለግላለው፣ አመልካለሁ እያለ ግን በሠይጣን አገዛዝ ሥር ከሚኖር የበለጠ እውር ማን ነው? በአጠቃላይ የሕይወት መንገድ በአጠገቡ እያለ፣ በሞት ጎዳና ከሚራመድ ሰው የበለጠ እውር ማን ነው? ኢየሱስ የመጣው ለእነዚህ ሁሉ ነው፡፡
የአንዱን ቁሳዊ ባዶነት በመሙላት የሌላውን መንፈሳዊ ባዶነት ይቀይራል፡፡ ነገሩ በትክክል ቢመረመር መስካሪዎች አሉ፡፡ ለበረከታችን፣ እኛ ከሓፍረት የተረፍንበት፣ እኛ ከሞት የዳንበት ምክንያቱ ጌታ በልጆቹ ተለምኖ ደርሶልን እንደሆነ የሚመሰክሩ መስካሪዎች አሉ፡፡ እግዚብሄር በጸሎቶቻቸው ስለረዱን ሰዎች የተባረከ ይሁን፡፡ ፀጋው በዝቶልን ለሌሎች እንዲንጸልይ ስለረዳንም ስሙ ይባረክ፡፡ ቀውሶች ሲፈጠሩ፣ የሚበረግጉ ሳይሆን፣ በእምነት አስቀድመው ወደ ጌታ ከዚያም ወደ ሰዎችም የሚሄዱና ለጌታ መታዘዝን የሚያበረታቱ ሰዎች አምልጠው ያስመልጣሉ፡፡
“እግዚአብሔር በሚገኝበት ጊዜ ፈልጉት፥ ቀርቦም ሳለ ጥሩት፤ ክፉ ሰው መንገዱን በደለኛም አሳቡን ይተው፤ ወደ እግዚአብሔርም ይመለስ እርሱም ይምረዋል፥ ይቅርታውም ብዙ ነውና ወደ አምላካችን ይመለስ።” (ኢሳ 55፡6-7)
ይህ መልእክት የሚመክረን፣ ትኩረታችሁን ወደ እግዚአብሄር እንድንመልስ ነው፡፡ ሰው እርስ በእርሱን እንደሚፈልግ፣ ገንዘብን፣ ሃብትን፣ ዝናን ክብርን፣ ወዘተ. እንደሚፈልግ እግዚአብሄርን “ወዴት አለህ” ብሎ መጠየቅ ቢችል በሕይወቱ ትልቅ ነገር አድርጎአል ማለት ነው፡፡ “እግዚአብሄርን መፈለግ” የራስን ደንነት፣ የራስን ደስታ፣ የራስን ዘላለም፣ የራስን ነጻነት መፈለግ ነው፡፡ ውድ አንባቢ ሆይ፣ አንተም/አንቺም አሁን ጊዜ አለህ/ሽ፡፡ አሁን፡፡ አሁን ማለት የሚትፈልገውን ለመጠየቅ፣ ለመጸለይ፣ ለማንበብ፣ ለመስማት፣ ለማሰብ፣ ለማስታወስ፣ ስትችል ማለት ነው፡፡ አሁን የሚባለው የጊዜ መቁጠሪያ በእጅህ እያለ፣ እግዚአብሄርን ፈልገው፡፡
ልጆች ከሚያዩት ነገር ተነስተው ይጠይቃሉ፣ ይፈጥራሉ፣ በምናባቸው ስእሎችን ይስላሉ፡፡ እነዚህም ሁሉ ተያያዥነት አላቸው፡፡
ልጆች ቃላትን መማር የሚጀምሩት በቤተሰቦቻቸው ዘንድ ተደጋግሞ በሚነገር፣ በቤታቸውም ሆነ በአከባቢአቸው ኖሮ ከሚሰሙትና ከሚመለከቱት ነገር ተነስተው ነው፡፡ ቃላትን ቢቻ ሳይሆን ጽንሴ-ሓሳቦችንም እንዲሁ፡፡ ስለዚህ አከባቢና በዓይን የሚታዩ ነገሮች በትውልድ ላይ የሚያመጣውን ነገር የተረዱ የተለያዩ አካላት በዘመናት ውስጥ ትውልዶችን የራሳቸው ለማድረግ በብዙ መልኩ እየሰሩ ነበሩ፤ ዛሬም እየሰሩ ይገኛሉ፡፡
በተለይ በዘመናችን በሚታዩ ተንቀሳቃሽም ሆነ ተንቀሳቃሽ ባልሆኑ ስእሎች በመጠቀም፣ በጌሞች፣ በአሻንጉልቶችና በሙዝቃዎች ትውልድ ገና ክፉና ደጉን ሳያውቅ እነርሱ የሚፈልጓቸውን ነገሮች (ሓሳቦችና ፍልስፍናዎች) ያስተምሩአቸዋል፡፡ ገና ከልጅነት መናገር፣ መዘመር፣ ማሰብ፣ መለማመድና ያንንም መሠረት አድርገው መጠበብ ይጀምራሉ፡፡ በኢያሱ መጽሓፍ ውስጥ ስናነብ እንዲህ ይላል፡- “ከዮርዳኖስም ውስጥ የወሰዱአቸውን እነዚያን አሥራ ሁለቱን ድንጋዮች ኢያሱ በጌልገላ አቆማቸው።” (4፡20) ቃሉ “ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። ቤትህም መቃኖች በደጃፍህም በሮች ላይ ጻፈው።” ይላልና (ዘዳግም 6:7-9)
በዓሉን ፈጽመው ወደ ቤታቸው ሲመለሱ ግን አንድ አስደንጋጭ ሁኔታ ተፈጠረ፡፡ “ብላቴናው ኢየሱስ በኢየሩሳሌም ቀርቶ ነበር፥ ዮሴፍም እናቱም አላወቁም ነበር።” (ቁ 43) ኢየሱስ ”በአባቴ ቤት እሆን ዘንድ እንዲገባኝ አላወቃችሁምን? አላቸው:: የሚገርመው ይህንን ኢየሱስ የተናገረውን እውነት በዚያ የነበሩት ሰዎች አላስተዋሉትም፡፡ (ቁ 50) ኢየሱስ እግዚአብሄር አባቴ ነው ብሎ የተናገረውን ብዙዎች በተለምዶ የሚባል ሃይማኖታዊ ንግግር ወይም ደግሞ የሕፃን ንግግር አድርገውታል፡፡ ስለዚህም ምን ለማለት እንደፈለገ ያስተዋለና ተመጣጣኝ ምላሽ የሠጠ በዚያ አልነበረም፡፡
ጌታችን ኢየሱስ ክርስቶስ ወደዚህች ዓለም በመምጣቱ ብዙ ታሪኮች ተለውጦአል፣ ብዙ ጥያቄዎች መልስ አግኝተዋል፣ ብዙ እንቆቅልሾች ተፈተዋል፣ ብዙ በሽተኞችም ተፈውሰዋል፣ ብዙ ሙታኖችም ሕይወት አግኝተዋል፡፡ ይህ ብቻ ደግሞ አይደለም፣ የጌታችን ኢየሱስ ክርስቶስ ወደዚህ ምድር መምጣት ብዙ ጦሪነቶችን፣ ብዙ ሰልፎችን፣ ብዙ ስደቶችንም አስከትሎአል፡፡
ይህ ሁሉ ሊሆን የቻለው፣ ትልቅ የሕይወት ብርሃን በምድር ላይ በመብራቱ የብዙዎች ጨለማ ሲበራ፣ ብዙ የጨለማ ወዳጆችና በብርሃን ውስጥ መስራት የማይችሉቱ ደግሞ ላለመጋለጥ ብዙ ጦሪነቶችን በማወጃቸው ነው፡፡ አብዛኞቹ ጦሪነቶች የታወጁት በሰዎች አእምሮ ውስጥ ሲሆን ሌሎቹ ደግሞ በገሃዱ አለም በግልጥ በታሪክ ተመዝግበው የሚገኙ ጦሪነቶች ናቸው፡፡
ጦሪነትና ተያይዞ ያለው ፍለጻ ወይም ጦር ባይኖር ጋሻ ባላስፈለገ ነበር፡፡ ጋሻ የሚጠቅመው የሚወረወርብን ነገር ሲኖር ከእርሱ እንዲሸፍነንና እንዲያድነን ነው፡፡ እግዚአብሄርም ለአብርሃም “እኔ ጋሻህ ነኝ” ሲለው፣ በአብርሃም ቀሪው ዘመን የሚቀጥል ጦሪነትና ሰልፍ ሊኖር እንደሚችል አመልካች ነው፡፡
በማናቸውም ቦታና ሁኔታ ያለው ሰው የተለያዩ የሕይወት ውጣውረዶች ሊገጥሙት ይችላሉ፡፡ የዳዊት ሕይወት በማያቋርጥ ሰልፍና ለአደጋ አጋላጭ ሁኔታ ውስጥ የነበረ ቢሆንም ሁኔታው በየቀኑ በእግዚአብሄር መታመንን፣ መጸለይን፣ ጥንቃቄንና ትጋትን አስተምሮታል፡፡ እግዚአብሄር በመከራ ቀን ልጆቹን የሚሰውርበት “ድንኳን” አለው፣ በድንኳኑም ውስጥ ልዩ “መሸሸጊያ” ሥፍራ አለው፡፡
ሰው በእግዚአብሄር መታመን ሲያቅተው ነገሮችን ሁሉ በራሱ መጀመሪና መጨረስ ስለሚሞክር፣ በራሱ ዓቅም ልሠሩ ወደማይችሉ ነገሮች ስደርስ በብዙ ጭንቀርትና አላስፈላጊ የሕይወት ጎዞዎች ወስጥ ይገባል፡፡
ይህ ደግሞ በኢየሱስ ትምህርት ውስጥ እንደተገለጠው፣ የእግዚአብሄርን ቃል እንዳያፈራ በማድረግ ሰው ገለባ የሆነ ሕይወት ብቻ እንዲኖር ያደርጋል፡፡ በማቴ13፡22 “በእሾህ መካከል የተዘራውም ይህ ቃሉን የሚሰማ ነው፥ የዚህም ዓለም አሳብና የባለጠግነት መታለል ቃሉን ያንቃል፥ የማያፈራም ይሆናል።” ስለዚህ ጌታ ኢየሱስ በዚህ ዓይነት ሕይወት ውስጥ እያላችሁ “ያ ቀንም በድንገት እንዳይመጣባችሁ ለራሳችሁ ተጠንቀቁ” ብሎ አስጠነቀቀ፡፡ ሐዋሪያውም ጳውሎስ፣ “ጌታ ቅርብ ነው። በነገር ሁሉ በጸሎትና በምልጃ ከምስጋና ጋር በእግዚአብሔር ዘንድ ልመናችሁን አስታውቁ እንጂ በአንዳች አትጨነቁ።” (ፊልጵ 4፡6)
“ብዙዎች፦ እኔ ነኝ እያሉ በስሜ ይመጣሉና፥ ብዙዎችንም ያስታሉ። “ ይህ ማለት ሓሰተኛ ክርስቶሶች ይነሳሉ ማለት ነው፡፡ በእኔ ስም ብዙዎችን ያስታሉ፡፡ ብዙዎችንም ያስከትላሉ፡፡ ዛሬም ባለንበት ዓለም በብዙ ሀገራት ክርስቶስ ነኝ እያሉ የተነሱ ብዙዎች አሉ፡፡ በሌላ መልኩ ደግሞ ክርስቶስ ማለት የተቀባ ማለት ነው፡፡ ብዙዎች ደግሞ ቀጥታ የግርኩን ስያሜ ባይጠቃሙም፣ በየአከባቢው ባለው ቋንቋ እየተጠቀሙ “እኔ የተቀባው ነኝ” በምል ስም ሰዎችን ከእውነተኛው ክርስቶስና ከቃሉ የሚመልሱ አሉ፡፡ ስለዚህ ጌታ ኢየሱስ ማንም እንዳያስታችሁ ተጠንቀቁ አላቸው፡፡ ውሸተኛ መሆኑ የሚታወቅ ሰው መጥቶ አድስ ነገር ቢነግረን እንደማንሰማው እርግጠኛ ነኝ፡፡ ግን አሳች የሚባለው፣ ራሱን እየለወጠ፣ ንግግሩን፣ አድራሻውን፣ ጉርብትናውን፣ አጋርነቱንና ስሙን እየለዋወጠ እውነት በመምሰል የሚገለጠው ነው፡፡